மகளுக்கு பிறந்தநாள் வாழ்த்து

முத்தான மூன்றிலே முன்னேறும் என்மகளே
நூறாண்டு வாழ்க நீ பெரியோரின் ஆசிபெற்று

மூன்றாம்பிறை தென்றலென வாழ்க நீ
கற்றோரின் ஆசிபெற்று வாழ்க நீ பல்லாண்டு

அன்பு கொண்ட ஆன்றோரின் அறிவுரை கேட்டு
இனிமையுடன் தொடங்கட்டும் உன் முன்னேற்றம்

வளம் கொண்டே வாழ்க நீ வசந்தமே
நலம் பெற்று நல்லோர் புகழ வாழ்க நீ

தமிழ் எனும் சுகம் பெற்று வாழ்க நீ
வெற்றி எனும் பரிசுக்கு உகந்தவளே

பாசம் எனும் மழையிலே நனைத்திடும் என்மகளே
நேசம் கொண்டு உனை வாழ்த்திடுவார் பெரியோர்கள்

சான்றோரென நீ வாழ சகலரும் உனைவாழ்த்த‌
பெரும்பாக்கியம் பெற்றோமென பெற்றோரின் ஆசியுமுண்டுனக்கு

நட்பு எனும் நம்பிக்கைக்கு உகந்தவளே
நன்மை எனும் பெயருக்கு தகுந்தவளே நீ வாழ்க‌

பெண்ணுக்கு புகழ் சேர்க்கும் என்மகளே
கண்ணின் கருமணியே நீ வாழ்க பல்லாண்டு

வள்ளலவர் ஆசி பெற்று வள்ளலெனவாகிடுவாய்
உன்னாசிரியர்கள் உனைப் புகழ வளர்ந்திடுவாய்

பெருமைக்கு பெருமை சேர்க்கும் பொக்கிஷமே
அருமையான அற்புத எம்குல மகளே வாழ்க நீ

அழகிலெ அன்னமென ஆடி வரும் என்மகளே
மனதிலே பத்தரைமாற்று தங்கமே நீ வாழ்க‌

பார்புகழ நீ வளர்ந்து பெருமைகளை சேர்த்திடவே
மாசற்ற மாண்புகள் பெற்றே நீ வாழ்க பல்லாண்டு

என்ம‌க‌ளே இந்நாள் போல் எந்நாளும்
சிற‌ந்து நீ விள‌ங்கிட‌ பிற‌ந்த‌நாள் நல்வாழ்த்துக்க‌ள்